Saxo Berri Bat «Arruntzat»

Kaixo denori!

Zer moduz?

Ion Arruebarrena naiz eta azken mezuan esan bezala, nire esker ona adierazteko zerbait hartzera gonbidatu nahi zaituztet Crowdfunding-ean parte hartu zenuten guztioi.

Pixka bat kosta zaigu baina azkenean elkartu gara GU taldekoak, eta zita uztailaren 19an izango da, 18:30etan, Tolosako 3 Tabernako terrazan.

Hortaz, mezu honekin batera Gonbidapen bat (irudia) bidaltzen dizuet, hori barrako zerbitzariari erakutsiz nere izenean zerbait eskatzeko.

Besterik gabe, eskerrik asko bihotzez beste behin ere, eta bertan ikusiko garelakoan, besarkada bana eta ondo izan!

Kaixo lagunak!
Zer moduz?
Gehientsuenei dagoeneko eskertu dizuet modu partikularrean baino zenbaitengana iritsi ezin naitekeenez (bereziki anonimoengana) plataforma bertatik idaztea da bide zuzenena.

Eskerrak eman nahi dizkizuet denoi zuen eskuzabaltasunagatik, sorpresa itzela izan da, eta nola ez, ilusio haundia egin dit bereziki ekintza honek duen esanahiagatik.

Argazkian ikus dezakezue erositako saxoa, 1950 inguruko altxor bat, (soinu berezia). Bere lehenengo jabeak Madrilgo zirko eta kabaret batean erabili zuen ta ondorengoak Cintruenigoko musika talde ezberdinetan.
Saxo honen biografiari (eta nereari noski) istorio polit bat gehitu zaio orain crowfunding solidario honen bitartez, eta espero dut aurrerantzean ere izango ditugun bizipenak zuek denokin partekatzea.

Esan beharrik ez da, hurrengo kontzertuan (ziurrenik udaberria/udara aldera Hiru tabernan GU taldearekin) denok zerbait hartzera gonbidatuta zaudetela! Horretarako erakutsi saxoaren argazki hau ordaintzeko momentuan.

Eskerrik asko bihotz- bihotzez eta ez dadila musika eten!

Besarkada bana eta laster arte!