Sortu zeure proiektua eta hasi dirua biltzen
Baldin proiektu edo elkarte solidario bat badaukazu, edo beste gabe, familiarteko edo adiskideren bati lagundu nahi badiozu, hemen daukazu behar duzun guztia zeure crowdfunding kanpainan arrakasta lortzeko.
Zure lehen aldia? Jakin ezazu hasi aurretik jakin beharreko guztia ↓
Zeure proiektuan arrakasta lortzeko behar duzuna
Landu itzazu 3 puntu hauek zeure crowdfunding solidarioko kanpaina sortu aurretik
1. Bete baldintzak
Proiektu eta kanpainek solidarioak eta irabazi asmorik gabekoak izan behar dute. Ia edozein egoeratara egokitzen gara, baina badira gutxieneko baldintza batzuk ekin aurretik kontuan eduki behar dituzunak.
2. Presta ezazu beharrezko materiala
Kanpaina bati ekiteko beharrezkoa da horretarako sorturiko testu eta irudiak edukitzea. Bideo labur bat ere guztiz gomendagarria da era berean. Ezagutu ezazu beharko duzun guztia.
3. Planifika ezazu estrategia bat
Hasi aurretik funtsezkoa da kanpaina nola hedatuko eta jakitera emango duzun argi edukitzea. Hona hemen gure gomendioak ahalik eta jende gehienera iristea lortzeko.
Ohiko galderak
Zertan datza crowdfunding kanpaina baten prozesua Kukumikun?
Prozesua erraza da baina badira hainbat gauza kontuan eduki behar dituzunak:
- Presta ezazu zeure kanpainarako materiala eta planifikatu estrategia.
Izenburua, hitzak, irudiak, bideoak, aurrekontua, helburua, iraupena… Prestatu eta balora ezazu era berean zer estrategia baliatuko duzun hedapenerako. - Sor ezazu zeure kanpaina Kukumikun.
Bete formularioa, aurreikusi nola gertuko den dena, zuzendu egoki deritzozuna, behin betiko bertsioa lortu arte eta bidal ezazu eta bidal ezazu zuzenketa ekipora. - Bidali zure proiektua zuzenketara.
Kukumikuko ekipoak ikuskatuko du zure proiektua 24-72 orduko epe barruan (normalean 24 ordu baino gutxiagoan) eta argitaratzeko baimena emango du edo zure kanpaina hobetzeko egin beharreko aldaketa batzuk gomendatuko dizkizu. - Kanpaina onartua eta argitaratua.
Kanpaina prest dagoenean argitaratu egingo da eta hasi ahal izango zara hedatzen eta dirua biltzen. - Hedapena eta diru bilketa.
Heda ezazu kanpaina lehorrez, itsasoz eta airez eta hasi dirua biltzen. Garatu pentsatua zeneukan hedapen estrategia: sare sozialak, komunikabideak, ahoz aho, zozketaren bat, lor itzazu parte hartzeko prest dauden influencer edo enpresak… - Eguneratze eta aldaketak.
Kanpaina martxan dela, egoki izanez gero, egin ditzakezu aldaketak edota eguneratzeak helarazi zeure emaileei. - Kanpainaren amaiera eta jaso denaren bilketa.
Kanpaina amaitzean, behar diren datuak eskatuko dizkizute jaso dena zuri helarazteko edo zure kanpainaren onuradunari bidaltzeko. - Erakutsi proiektuaren egoera.
Bidal ezazu eguneratze bat lankideei jakinarazteko zer egin ahal izan den jasotako diruarekin.
Kanpaina motak
Kukumikun sektorearen beharretara egokitzen gara eta, zenbait gomendio badiren arren, diseina ditzakezu kanpainaren iraupena eta helburua zeure premien arabera.
Diru bilketaren helburua
Beti gomendatzen da bilketak helburu bat eduki dezala eta hura ahalik eta errealistena izatea. Helburu bat markatzeak jomuga komun baten sentsazioa pizten du emaileengan eta sustatu egiten ditu dohaintzak. Gogoan izan betiere hobe dela helburu errealista bat markatzea, lor dezakezun zerbait, alegia, eta ez lortzea gustatuko litzaizukeena. Helburu handiguratsuegiak eragin dezake apatia edo morala galtzea zure emaile posibleen artean.
Kanpainaren iraupena
Kanpainaren iraupena izan daiteke zeuk nahi duzuna. Dituzun premien eta zeure hedapen estrategia garatzeko behar duzun denboraren arabera dago hori. Betiere gomendagarria da gutxienez 40-60 egunekoa izatea, baina badira kanpainak beren helburua askoz denbora laburragoan lortzen dutenak; horregatik, iraupena zure proiektuaren araberakoa izango da.
Zer gertatzen da helburua lortzen ez badut?
Zure kanpainaren helburua ekonomikoa bada:
Kukumikun, kanpaina batek helburu ekonomikoa daukanean, emaileek erabakitzen dute beren dirua ematea helburua betetzeko baldintzaren pean, edo beren dirua ematea helburua lortzen ez bada ere. Gaur egun, jendearen %97ak helburua betetzen ez bada ere dirua emateko aukera hautatzen du; beraz, segur aski, helburua lortu ez baduzu ere, bildu den kantitate guztia edo gehiena eskuratu ahal izango duzu.
Zure kanpainaren helburua ekonomikoa ez bada:
Baldin helburu ekonomikoa markatu badiguzu, beti jasoko duzu bildu den kantitatea.
Nahitaezkoa al da zozketa gehitzea?
EZ. Zozketak zeure eskura dauzkazun erreminta bat eta aukera bat dira, baina ez da beharrezkoa eta, noski, nahitaezkoa zozketarik egitea.
Gomendagarria gertatzen da, baldin, eta soilik zozkatzen den saria eraginkorra bada kanpainaren zabalkundea eta hedapena bultzatzeko.
Berez erakargarria izan behar du, edo pertsona ospetsuren batek edo enpresaren batek oparituriko zerbait, eta horrez gain hedapenean parte hartzen badu, askoz hobe
Zein dira gardentasunaren baldintzak?
Kukumikun gardentasuna funtsezkoa da. Kanpaina guztiek solidarioak eta irabazi asmorik gabekoak izan behar dute eta, horrez gain, ematen den informazio guztiak egiazkoa eta egiaztagarria behar du izan.
Ulertzen dugu proiektu bakoitzak bere izaera edukitzea eta, horrexegatik, egoera desberdinetara egokitzen gara.
Nola transferitzen da bildutako dirua?
Nomalean, amaitutakoan. Baina beharrezko izanez gero, transferitu daiteke bildutakoaren zati bat diru bilketa amaitu aurretik.
Dirua transferitu dakioke erakunde, pertsona edo komunitate onuradunari, ordaindu nahi den zerbitzua ematen duen enpresari zuzenean helaraziz edo sustatzailearen kontu pertsonalean ezarriz.
Kanpainaren premietara egokituko gara
Ba al dauka kosturik?
Dirua biltzea lortzen duzun kasuan bakarrik. Batere dirurik lortzen ez baduzu, ez daukazu ezer ordaindu beharrik; beraz, kanpainari hasiera ematea dohainik da.
Baldin arrakasta badaukazu eta dirua biltzen baduzu, orduan bildutakoari %5a kentzen zaio Kukumiku Fundazioak eta bertako aholkulariek plataforma mantentzen eta zuena bezalako proiektuak babesten jarraitu ahal izan dezaten. Era berean, deskontatu egiten ordainketa prozesadorearen kostua ere:
%1,2 + 0,25€ Kreditu/Debitu Txartel europarren bidez eginiko ordainketetarako.
%2,9% + 0,35€ Nazioarteko Txartelen bidez eginiko ordainketetarako.
%1,9% + 035€ PayPal bidez eginiko ordainketetarako.
Kosturik ez banku transferentzien bidez eginiko ordainketetarako.
0,40€ banku helbideratzearen bidez eginiko ordainketetarako (erabilgarri hileroko diru emaitzentzat bakarrik)
Gogoan izan dirua biltzen duzun kasuan baizik ez daukala kosturik, horregatik ez dago inolako galera arriskurik eta gainera beste kanpaina eta proiektu solidario batzuei laguntzen jarraitzeko erabiltzen da dirua.
Irabazi asmorik gabeko erakundea garenez, lor litezkeen irabaziak plataforma bera hobetzeko erabiltzen dira
Dena prest
¡Hasi zaitez!
Oraindik zalantzak dituzu?
Gure Laguntza Zentroa bisitatu edo zuzenean guri galdetu
Zergatik Kukumiku?
Trebeak gara
Proiektu sozial eta solidarioetan esperientzia duen plataforma bat gara. Jaso ezazu hirugarrean sektorean bizipena duen taldearen euskarria
Seguruak gara
Geure gardentasunarekiko konpromisoak bai emaileei bai proiektuen susatatzaileei lasaituna eta segurtasuna ematen die.
Malguak gara
Geure helburua zuk helburua lortzen laguntza ematea da eta beti saiatzen gara zeure beharretara moldatzen. Horretarako geure plataforma egokitu dezakegu.
Solidarioak gara
Fundazioa gara eta zu bezala hirugarren sektorean dihardugu. Zure emaileek beren dohaintzak desgrabatzeko aukera daukate eta guk plataforma eta zerbitzuak hobetzeko erabiltzen dugu jasotako dirua.
